Iya Villania and Drew Arellano's Baby Primo stars in his first commercial

Bibong-bibo sa kaniyang kauna-unahang commercial si Antonio Primo, ang panganay na anak at unico hijo ng mag-asawang Iya Villania at Drew Arellano.

Nitong Lunes, ibinahagi ng proud dad at “Biyahe ni Drew” host ang patalastas na pinagbidahan ng kaniyang anak at asawa.

“I'm in love!” aniya.

Ayon naman sa proud at excited first-time mom, “Another first for this little man!”

Silipin ang cute na “Bath Time” commercial ni Baby Primo at Mommy Iya para sa isang baby care brand:

 

A post shared by Drew Arellano (@drewarellano) on

May 8, 2017 at 7:46am PDT

Sampung taong nagsama bilang magkasintahan sina Iya at Drew bago sila ikinasal noong February 2014.

Makalipas ang higit sa dalawang taon—noong August 2016—masaya nilang ipinagdiwang ang pagsilang sa kanilang panganay na si Baby Primo. —Bianca Rose Dabu/KG, GMA News