Derrick Monasterio shows off abs in Bali vacation

Ibinida ng Kapuso actor at “Mulawin vs. Ravena” star na si Derrick Monasterio ang kaniyang pangangatawan habang nagbabakasyon sa Bali, Indonesia kamakailan lamang.

Tulad ng marami, sandaling nagpahinga ang aktor mula sa kaniyang showbiz commitments ngayong Holy Week break upang makapaglaan ng oras para sa kaniyang pamilya at mga mahal sa buhay.

“It's not everyday you see something as beautiful as this! One of the infinite reasons to thank God,” aniya sa isang Instagram post nitong Sabado.

Doble ang effort ngayon ng “Tsuperhero” star na si Derrick Monasterio sa pagiging fit dahil kabilang siya sa mga bibida sa inaabangang Kapuso telefantasya na “Mulawin vs. Ravena," ang pagpapatuloy ng istoryang sinubaybayan sa iconic 2004 series na "Mulawin."

Aniya, “I go to the gym twice a day. Pero sabi nga nila, what's more important is your diet. If you're working out regularly but you're not eating healthy, walang mangyayari. 70% diet, 30% gym.”

Kabilang rin sa mga bibida sa Kapuso fantasy series sina Bea Binene, Miguel Tanfelix, Bianca Umali, Kiko Estrada, Dennis Trillo, Carla Abellana, Heart Evangelista, Lovi Poe, Regine Velasquez, Chynna Ortaleza, Dion Ignacio, TJ Trinidad, at marami pang iba.

Inaasahang ipapalabas na ang “Mulawin vs. Ravena” sa GMA Primetime ngayong darating na Mayo. — Bianca Rose Dabu / AT, GMA News