Ex-couple Bea Binene, Jake Vargas reunite in ‘Tsuperhero’

Muling magsasama ang dating magkasintahan na sina Bea Binene at Jake Vargas para sa isang kaabang-abang na episode ng Kapuso Pinoy superhero comedy adventure na “Tsuperhero” sa darating na Linggo.

Sa larawang ibinahagi ng GMA Network nitong Martes, makikitang all-smiles ang dalawa kasama ang “Tsuperhero” lead actor na si Derrick Monasterio.

Ipalalabas ang kaabang-abang na #TsuperheroExProblems episode sa darating na Linggo.

 

Kaabang-abang ang episode ngayong Linggo sa #Tsuperhero! Ex nga ba ni Eva ang nagbabalik? 'Wag palampasin ang #TsuperheroExProblems!

A post shared by gmanetwork (@gmanetwork) on

Mar 28, 2017 at 2:48am PDT

Matatandaang kinumpirma nina Bea at Jake ang kanilang hiwalayan noong 2015 matapos ang higit sa dalawang taong pagsasama.

Anila, marami ang dahilan kung bakit nauwi sila sa paghihiwalay, ngunit hindi raw isa sa mga ito ang third party. 

Paliwanag ni Jake sa naunang panayam, "Siguro po, siguro nawalan ng time sa isa’t isa. Parang... hindi na kami gaanong lumalabas. Nawawalan ako ng time sa kanya... hindi ko siya nabigyan ng pansin.”

Bukod sa “Tsuperhero,” mapapanood rin ang tambalang Bea at Derrick sa upcoming Kapuso telefantasya na “Mulawin vs. Ravena,” ang pagpapatuloy ng kuwentong sinubaybayan ng marami sa iconic 2004 fantasy series na “Mulawin.” — RSJ, GMA News