Luis Alandy and Joselle Fernandez in ‘The Notebook’-inspired prenup photo shoot

Matapos ang kanilang engagement nitong nakaraang taon sa Lake Tahoe, nalalapit na nga ang kasal ng aktor na si Luis Alandy at ng kaniyang kasintahan na si Joselle Fernandez. 

Kamakailan lamang, ipinasilip ng dalawa ang ilan sa mga larawang kuha mula sa kanilang prenup photoshoot, na inspired ng sikat na American romantic drama film na “The Notebook.”

Kita sa mga larawan kung paano ginaya ng magkasintahan ang ilan sa mga iconic na eksena ng nasabing pelikula, na pinagbidahan nina Rachel McAdams at Ryan Gosling noong 2004.

Ibinahagi ni Luis sa naunang panayam na magiging intimate ang kasal nila ni Joselle ngayong taon. 

Silipin ang ilan sa mga nakakakilig na tagpo mula sa The Notebook-inspire prenup photoshoot ng magkasintahan. — Bianca Rose Dabu / AT, GMA News