Armi Millare reacts to Michael V's parody of ‘Tadhana’  

Nag-viral sa social media ang kantang “Tadyakan”, ang spoof ng awiting “Tadhana” mula sa bandang Up Dharma Down.

Pinangunahan ng Kapuso comedian na si Michael V. ang nakakatuwang segment ng “Bubble Gang,” na inspired ng “Tough Hits” ng comedic trio nina Tito Sotto, Vic Sotto, at Joey de Leon.

Kabilang ang Tito, Vic, and Joey sa mga komedyanteng binigyang-pugay sa “21 Gang Salute,” ang two-part anniversary special ng longest-running Pinoy comedy sketch gag show.

Maliban sa netizens, tila natuwa rin ang orihinal na kumanta ng “Tadhana” sa spoof ng “Bubble Gang.”

Ayon kay Armi Millare, ang vocalist ng Up Dharma Down, “Afraid to sing Tadhana tonight I might just end up singing Tadyakan.”

Afraid to sing Tadhana tonight I might just end up singing Tadyakan ???? https://t.co/a595mIg2rk

— armi millare (@armimillare) December 4, 2016

Umani na ng higit sa 100,000 views ang YouTube video ng “Tadyakan,” tatlong araw mula nang ipalabas ito sa “Bubble Gang”. — Bianca Rose Dabu/DVM, GMA News