GMA Brandtalk
Tracking
Archives
Solenn Heussaff on having a baby with husband Nico Bolzico: Not right now
Halos limang buwan na ang nakalilipas mula nang ikasal ang Kapuso host-actress at “Encantadia” star na si Solenn Heussaff sa kaniyang long-time Argentine partner na si Nico Bolzico.
Marami na ngayon ang nagtatanong kung balak na rin ba nina Solenn at Nico na bumuo ng sarili nilang pamilya, tulad ng ibang celebrity couples na nagpakasal ngayong taon, tulad nina Arthur Burnand at Georgina Wilson, na matalik na kaibigan ng mag-asawa.
Ayon sa Kapuso star, matagal-tagal pa ang hihintayin nila bago sila magkaroon ng anak.
“Not right now. I don't want a child right now. Maybe in the near future. Siyempre, my clock is ticking, and I have to be safe in the future. So not five years from now. Before that,” paliwanag ni Solenn.
Dagdag pa niya, “Not this year. Siyempre, gusto ko ng pamilya in the future. Maybe end of next year or two years from now. Nothing too soon. Kakakasal ko lang so enjoy muna.”
Ano naman ang reaksiyon ni Nico sa kaniyang desisyon?
Sagot ng Kapuso host-actress, “Wala siyang choice kasi ako ang magbubuhat ng baby, so it's my decision. But he's game whenever. He's been ready for three years. Ako, hindi pa.”
Marami ang nagbabansag kay Solenn at Nico bilang #RelationshipGoals dahil bukod sa pagiging isang good-looking couple, sweet at nakakatuwa rin ang dalawa sa social media.
Simple lang raw ang sikreto sa masaya nilang pagsasama, ayon sa “Taste Buddies” host.
Aniya, “You just have to stay who you are and be who you are. If someone wants to change you, huwag na lang siya ang pakasalan mo.”
“Sanay na sanay na siya sa mga kalokohan ko so he doesn't react anymore. The last one na naging viral raw, with a hat, I just did that for fun. I sent it to him before I put it on Instagram, not to ask for his permission but just to show him what we're doing in Bali. Sabi niya, 'Sige, post it on Instagram tapos gagayahin ko!' Super supportive siya,” pagbabahagi pa ni Solenn.
Hindi rin daw nila masyadong pinag-uusapan ang trabaho sa kanilang tahanan.
Dagdag pa niya, “We're not the type to meddle in each other's work. Siyempre, kapag may problem sa work or may issue, I'll talk to him about it. But usually, we don't meddle.”
Who did it best ???????????????????????????????????????????????? @nicobolzico #SosBolz
A photo posted by Solenn Heussaff (@solennheussaff) on
Maliban sa promotion ng kaniyang bagong album, abala rin si Solenn sa pagbida niya sa hit Kapuso fantasy series na "Encantadia," comedy series na "A1 Ko Sa'yo," at lifestyle shows na "TriPinas" at "Taste Buddies."
Matapos rin ang matagumpay na launch ng kaniyang librong "Hot Sos," pinaghahandaan na ng Kapuso actress ang reality show na "It Girls," kung saan masisilip ng mga manonood ang buhay niya at ng kaniyang mga kaibigang sina Georgina Wilson, Isabelle Daza, at Liz Uy.
Nais rin daw ng aktres na bumida pa sa mas maraming independent films, magkaroon ng ikalawang art exhibit, at gumawa ng kaniyang sariling personal blog o website. — RSJ, GMA News
