Kris Aquino denies wearing Imelda Marcos necklace at APEC dinner

Patuloy ang pamamahinga ng host-actress at Queen of All Media na si Kris Aquino mula sa showbiz, ngunit hindi niya na pinalampas ang mga bali-balitang isinuot niya ang isang diamond necklace na umano'y pag-aari ng dating First Lady ng Pilipinas na si Imelda Marcos.

Ayon sa mga viral posts, ginamit umano ng aktres ang nasabing kwintas sa naganap na Asia-Pacific Economic Cooperation (APEC) Summit sa Pilipinas noong November 2015.

Sa isang Instagram post, mariing itinanggi ni Kris ang kumakalat na balita, at muling nakiusap sa mga tao na tumigil sa pagkakalat ng mga kasinungalingan tungkol sa kaniya.

Aniya, “It seems you don't want me to stay quiet and your trolls want to keep perpetuating lies about me. My friend JC Buendia & my sister Viel both showed me this paulit-ulit na FB post. The necklaces supposedly belonged to Mrs Marcos & I was brazen enough to wear them for the APEC DINNER. Duh?”

“The necklace I wore was made from cubic zirconia & silver—hindi po DIAMONDS. In other words fake sila, although Bottega Veneta naman. ENOUGH! And the TRUTH is on my side—including credit card receipts,” dagdag pa niya.

 

A video posted by ???????? Kris Aquino (@kriscaquino) on

Oct 9, 2016 at 4:52am PDT

Patuloy raw na isusuot ni Kris ang mga alahas na kaniyang binili gamit ang perang kaniyang pinaghirapan.

“I have a long standing event for #ARIEL on Tuesday, even if my necklaces aren't appropriate for showing how you can remove more than 100 different types of stains—what the heck, isusuot ko na sila. After all I paid for them with hard-earned, tax-paid income.”

Dagdag pa niya, “Hindi ko na problema kung yung pagnanakaw ng iba trip nilang ibintang/pagtakpan using me- and to be perfectly clear, I'm not referring to Mrs. Marcos.”

Sa huli, nagpahayag ng paalala si Kris sa lahat ng mga nakasubaybay sa kaniyang buhay.

“So this is FAIR WARNING—stop lying about me if you don't want your rotting skeletons unearthed. #IAMBACK,” pagtatapos ng batikang host-actress.

 

Queen of All Media Kris Aquino @withlovekrisaquino #RBeautified #makeupbyRBCHANCO #rbchanco @angeljamelarin03 @kimiyap @boopyap @anthonyramirezs #ApecPh #APEC2015

A photo posted by RB A. CHANCO (@rbchanco) on

Nov 18, 2015 at 3:37am PST

—Bianca Rose Dabu/NB, GMA News