Maine Mendoza shares how TAPE big boss Tony Tuviera surprised her with Coldplay concert tickets

Matatandaang sandaling nagpunta sa Amerika at nag-bakasyon ang Kalyeserye sweetheart at “Eat Bulaga!” Dabarkads na si Maine Mendoza nitong nakaraang Agosto upang mapanood nang live ang kaniyang paboritong banda—ang British rock band na Coldplay.

Sa kaniyang blog post nitong Linggo, ibinahagi ni Maine na isang regalo mula kay T.A.P.E. Inc. president and CEO Mr. Antonio “Tony” Tuviera ang concert tickets.

“Do you guys remember the abduction... of Divina? The day when I successfully ran away from the kidnappers was the day Mr. Tuviera handed me the tickets. We were in Broadway Centrum, I was roaming around the backstage when he invited me for a talk. I got nervous as to why he wanted to talk to me out of the blue–in private!” kuwento ng dalaga.

Ang unang tanong raw sa kaniya ni Mr. Tuviera: “May US visa ka ba?”

Nawala ang kaba ni Maine at napalitan ng excitement, ngunit hindi niya akalain na concert tickets ang laman ng envelope na iaabot sa kaniya ng tinaguriang big boss ng T.A.P.E. at APT Entertainment, na producer ng “Eat Bulaga!”

Ayon sa Kalyeserye star, “'Coldplay Live in Pasadena' TEKA LANG WEYT...  I couldn’t believe it. Totoo ba talaga ito? I have Coldplay tickets in my hands and to me it is as precious as a diamond ring. It somehow felt like a dream. I never expected that someone would give me such kind of gift. I needed a moment to cry.”

Nanatili si Maine sa Amerika mula August 20 hanggang 26 kasama sina Mr. and Mrs. Tuviera, Mr. and Mrs. Barreiro, Ms. Celeste, Ms. Jenny, Direk Poochie, at ang kaniyang kapatid na si Coleen.

Sa mismong concert, hindi napigilan ng dalaga na maging emosyonal.

“The kind of fun that I had in that one night cannot be compared to all the nights of my 21 years of existence. (Exaggerated but true) All bias aside but I think only Coldplay can pull off such kind of concert. (Haha, okay sige biased na!) I just love em so much. No one knows how their songs touch every bit and part of me,” aniya.

Maliban sa panonood ng concert ng Coldplay, nasaksihan rin ng dalaga sold-out show ng award-winning  English singer-songwriter na si Adele. — RSJ, GMA News