Regine Velasquez proud of her supportive extended family

Buong-buo ang suporta ng buong pamilya ni Asia's Songbird at “Sarap Diva” host na si Regine Velasquez sa launch ng kaniyang cookbook na “Bongga Sa Kusina” nitong Linggo, July 17.

Bukod sa kaniyang asawa na si Ogie Alcasid, naroon din si Michelle Van Eimeren—dating kabiyak ni Ogie—at ang kanilang mga anak na sina Leila at Sarah.

Naroon din ang asawa ni Michelle ngayon na si Mark Morrow.

Naroon din sa book launch ang kaniyang ina na si Teresita Velasquez at mother-in-law na si Herminia Alcasid.

“Ganyan talaga ang family ko. They're always supporting whatever I do. For them, this is a big thing. And it is. It really is a big thing. I'm happy that they're all here,” aniya sa panayam ng GMA News Online.

Ayon naman kay Ogie sa kaniyang mensahe sa cookbook ng asawa, “I watched as she did wonderful things with sea bass, whipped up an impromptu salad, make all sorts of pasta dishes. Our son Nate and I are her biggest fans.”

 

The family in support of @reginevalcasid for her book launch! #bonggasakusina

A photo posted by Ogie Alcasid (@ogiealcasid) on

Jul 17, 2016 at 12:19am PDT

Marami ang na-iinspire sa extended family nina Ogie at Regine, kaya naman hindi na lamang raw pinapansin ng Asia's Songbird ang mga negatibong komento na ibinabato ng ibang tao.

Aniya, “I don't really care. It works for us. This is how it is. I'm very thankful na naging ganito 'yung relationship namin. We love the children and we want them to have sort of a normal life. Gusto namin na bati-bati lahat. Kung hindi nila type, they're not a part of it naman. It's my family, it's not part of my job.”

“Hindi ko na lang sinasagot. Ganoon talaga, you cannot please everybody. Laging may isang hindi mag-aagree sa opinion mo or sa choices that you make. But that's okay. They are entitled to their own opinion,” pagtatapos ng Kapuso host-actress. —Bianca Rosa Dabu/NB, GMA News