Kapuso celebrities volunteer for Eleksyon 2016 coverage

Kabilang ang ilang mga artista at personalidad sa mga naglaan ng kanilang panahon para mag-volunteer sa GMA Eleksyon 2016 Coverage nitong Lunes, May 9.

Idineklara mang special non-working holiday ang araw ng eleksyon sa Pilipinas, nagtungo pa rin sa Action Center at Social Media Center ang ilang personalidad upang tumulong sa coverage.

Ilan lamang sa kanila sina Glaiza de Castro, Rocco Nacino, Jackie Lou Blanco, Snooky Serna, Hiro Peralta, Benjamin Alves, Isabelle de Leon, at Rich Asuncion.

Naroon din sina Pancho Magno, Juancho Triviño, Ayra Mariano, Avery Paraiso, Denise Barbacena, Betong Sumaya, Kim Rodriguez, Sanya Lopez, Klea Pineda, at Jak Roberto upang tumulong sa patas na pagbabalita ng eleksyon.

Nakasama nila sa GMA Eleksyon 2016 Coverage ang mga batikang mamamahayag na sina Mel Tiangco, Mike Enriquez, Jessica Soho, Vicky Morales, at Arnold Clavio, pati na ang ilang student volunteers.

—NB, GMA News