Marian Rivera garners 14M likes in official Facebook page

Itinuturing nang most liked local celebrity page on Facebook ang fanpage ng Kapuso Primetime Queen na si Marian Rivera matapos itong umani ng higit sa 14 million likes.

Labis naman ang tuwa ng Kapuso actress, na opisyal nang inanunsyo ang kaniyang pagbabalik-showbiz nitong Martes, matapos ang ilang buwang pamamahinga upang maalagaan si Baby Maria Letizia, ang unica hija nila ni Kapuso Primetime King Dingdong Dantes na isinilang noong November 2015.

“Wow, 14M na tayo! Maraming-maraming salamat sa lahat ng sumusuporta sa akin sa Facebook. Sana ay huwag kayong magsawa. God bless everyone,” ayon kay Marian sa isang Instagram video nitong nakaraang linggo.

 

Thank you sa 14m LIKErs ni @therealmarian sa facebook! Ito ang mensahe nya sa lahat ng sumusuporta sa kanya ?????????????? #MarianRivera Fb.com/MarianRivera

A video posted by Team Dantes (@thedongyanatics) on

Feb 10, 2016 at 9:04pm PST

Bukod sa nakatakdang pagbalik niya sa “Sunday Pinasaya” ngayong darating na Linggo, nakatakda ring bumida bilang Inang Reyna ang Kapuso actress sa inaabangang 2016 remake ng Kapuso fantaserye na “Encantadia.”

Malapit na rin ang pagsisimula ng talk show na pagbibidahan ng Kapuso Primetime Queen ngayong taon. —Bianca Rose Dabu/KG, GMA News