AlDub stars in new commercial for fabric conditioner

Muling nadagdagan ang mahabang listahan ng product endorsements ng phenomenal loveteam mula sa Kalyeserye ng noontime show na Eat Bulaga.

Nitong nakaraang linggo, inilabas ng isang fabric conditioner brand ang panibago nilang commercial tampok sina Pambansang Bae Alden Richards at Dubsmash Queen and Kalyeserye sweetheart Maine Mendoza a.k.a. Yaya Dub.

Tampok ang AlDub sa commercial na pinamagatang #DownyRuBAEDUBango.

Mula nang mai-post ito noong Biyernes, mayroon nang higit sa 3,000 likes ang video sa Facebook, habang umani naman ng higit sa 130,000 views ang video sa YouTube.

Bukod sa sunod-sunod na commercials, nakatakda ring bumida ang phenomenal loveteam sa 2015 Metro Manila Film Festival entry na “My Bebe Love” kasama sina Bossing Vic Sotto at Comedy Concert Queen AiAi Delas Alas. — Bianca Rose Dabu/BM, GMA News