Bea Binene’s star-studded 18th birthday celebration

Ginanap nitong Martes, November 3, sa Manila Hotel ang debut ng Kapuso actress na si Bea Binene kung saan nakasama niyang magdiwang ang kaniyang pamilya at mga kaibigan sa loob man o labas ng showbiz. 

 

Kabilang sa mga dumalo sa kaniyang 18th birthday ang mga kapwa niya teen stars na sina Barbie Forteza, Louise Delos Reyes, Glaiza de Castro, Krystal Reyes, Joyce Ching, at Winwyn Marquez na kabilang sa 18 candles. Naroon din sina Derrick Monasterio, Kristoffer Martin, Ken Chan, Jeric Gonzales, Christian Bautista, Rodjun Cruz, Paul Salas, at Ruru Madrid na kabilang naman sa 18 roses ng dalaga.

 

Isa sa mga naging sorpresa ng gabing iyon ang pagdalo ni Pambansang Bae Alden Richards, na isa sa pinakamalapit na kaibigan ni Bea at nais sana niyang maging first dance. Nakahabol si Alden upang maging last dance ng debutante.

 

Marami rin ang nagulat na nakadalo ang ex-boyfriend ni Bea na si Jake Vargas.

 

Aniya, “I think he should be there because matagal na rin naman po kami magkatrabaho and matagal din kaming love team, 'di ba. Kumbaga may pinagsamahan din naman po kami."