x
advertisement
Filtered By: Showbiz
Showbiz
LOOK

Jean Garcia, ipinasilip ang kaniyang unang apo sa netizens


Isinilang ng aktres na si Jennica Garcia-Uytingco ang unang anak nila ng asawang si Alwyn Uytingco na si Baby Athena Mori noong July 16.

Hindi naman maitago ng batikang aktres at 45-year-old "timeless beauty" na si Jean Garcia ang kaniyang excitement sa pagdating ng kaniyang unang apo, kaya naman ipinasilip niya ito sa kaniyang Instagram followers noong Biyernes.

Ayon sa “The Half Sisters” star at “Love Hotline” host, “Sneak peek of my baby love, Athena Mori! #blessedbeyondbelief #toGODbealltheglory”



Nauna nang sinabi ng TV host and actress na, gaya ng nakararaming first-time lola, hindi rin daw siya papayag na tawagin siyang “lola” o “grandma” ng anak ng kanyang unica hija.

Sa isang panayam sa GMA News Online at iba pang miyembro ng press sa naganap na press conference para sa first anniversary ng GMA Afternoon Strip, sinabi ng 45-year-old actress na papapiliin niya na si Jennica ng nais niyang itawag sa kanya ng first baby nito.

“Sabi ko nga kay Jennica, 'Sige, pumili ka na kung ano ang itatawag sa 'yo. Kung mommy or mama. 'Yung matitira doon, 'yon na lang ang sa 'kin. Basta huwag lang lola or grandma," pabirong paliwanag ni Jean.

Ngunit ano pa man ang mangyari, hindi talaga maitago ng aktres ang kanyang pananabik sa pagdating ng kanyang apo.

Aniya, “Madadagdagan ang mga kakikayan at kamalditahan. Isang Jean at isa pang Jennica sa buhay namin.”

Hanga rin daw si Jean sa simpleng pamumuhay ng kanyang anak at ng asawa nito, na isa rin sa mga kilalang aktor ng henerasyon ngayon, dahil bukod umano sa napatunayan nilang kaya nilang buhayin ang isa't isa at handang-handa na silang bumuo ng pamilya, naipakita rin daw ng mag-asawa na sentro ng kanilang relasyon at buhay ang Panginoon.

Dalawang linggo na ang nakararaan, nag-post din ng larawan ang first-time daddy na si Alwyn matapos ang isang araw mula sa pagpapanganak kay Athena.


— Bianca Rose Dabu/LBG, GMA News
Tags: jeangarcia
Most Popular