WATCH: Alden Richards, nagpasaya ng mga Pinoy sa California

Nakisaya sa Filipino community sa Carson City, California ang Kapuso actor at heartthrob na si Alden Richards bilang bahagi ng pagdiriwang ng ika-10 anibersaryo ng GMA Pinoy TV at GMA Live TV.

Ayon sa ulat ng Balitanghali nitong Lunes, masayang nakipagsayawan at nakipagkantahan ang tinaguriang "Mr. Dimples" ng GMA Network sa mga Pinoy Kapuso sa naturang lungsod sa Amerika.



Hindi naman inasahan ni Alden ang mainit na pagtanggap sa kanya sa California ngunit masaya siya na maging bahagi ng munting pasasalamat na ito ng GMA Network sa mga Pinoy abroad na patuloy na tumatangkilik sa mga programang Kapuso.

 

A photo posted by Alden Richards (@aldenrichards02) on



Jun 3, 2015 at 2:41pm PDT

Matapos ang programa, ginawaran pa ng mga kinauukulan ang aktor ng certificate of appreciation para sa pagpapasaya niya sa Filipino community doon.

Patungo ngayon si Alden sa Seattle, Washington upang doon naman magbigay pasasalamat sa mga Kapusong Pinoy abroad. — Bianca Rose Dabu/BM, GMA News