Pia Wurtzbach on Pacquiao's loss: Babawi tayo sa Miss Universe!

Sa gitna ng pagkadismaya ng maraming Pilipino dahil sa pagkatalo ni Manny Pacquiao sa laban nito kay Floyd Mayweather nitong Linggo, isa si 2015 Binibining Pilipinas-Universe Pia Alonzo Wurtzbach sa mga naglabas ng saloobin sa social media hinggil sa kalungkutan na nadarama para sa Pambansang Kamao.

 

Kasabay ng sunod-sunod niyang tweet matapos ideklarang panalo si Mayweather, sinundan niya ito ng isang nakatutuwang pangako para sa mga Pilipino. 

 

Aniya, "Kalma lang guys. Ako bahala. Babawi tayo sa Miss Universe!!"

 

Marami naman ang nag-react sa sinabi ng beauty queen, at karamihan dito ay nagsimula na ngang umasa na gagawin niya ang lahat upang maiuwi ang Miss Universe crown na dalawang beses pa lamang napapanalunan ng Pilipinas simula noong 1969.

 

Nagpakita naman ng suporta at paghanaga ang ilan sa 'fighting spirit' ni Pia, na nakatakdang lumaban sa 2015 Miss Universe pageant matapos manalo sa Binibining Pilipinas ngayong taon.
 

@PiaWurtzbach SIGURADUHIN MO YAN IHA!

— IG: thejakeyjake (@esmeralda_jake) May 3, 2015
 

@PiaWurtzbach that's the spirit

— jnine (@frozenwaveszedd) May 3, 2015
 

Push mo 'yan @PiaWurtzbach in fairness sa fighting spirit mo!!!

— Nathania Chua (@PilosopoTanya) May 3, 2015
 

@PiaWurtzbach ngayon pa lang panalo ka na! FTW

— sehun; cherry (@iridescent0412) May 3, 2015

 

— Bianca Rose Dabu/JDS, GMA News