Coleen Perez lost weight and became an actress because of heartbreak

Tulad ng iba, hindi rin nagpatalo sa broken heart ang Kapuso actress na si Coleen Perez at ginamit pa niya ito para maging inspirasyon sa pagbabawas ng timbang at sa pag-abot ng kaniyang pangarap na maging artista.
 
Sa isang panayam sa 'The Tim Yap Show,' ikinuwento ni Coleen na nagsimula ang kaniyang pagpasok sa telebisyon nang maging bahagi siya ng on-the-job training para sa programang 'Maynila' ng GMA. 
 
Nasundan ito ng pagkuha niya ng acting workshops sa teatro bago niya naranasan ang heartbreak na bumago sa kaniyang buhay.
 


 
Video courtesy of GMANetwork.com-Entertainment


“After college, medyo na-heartbroken ako. That time, I didn't look like an artista. I was 145 pounds. Imagine the difference. So, na-heartbroken ako. I wasn't doing anything kasi natanggal ako sa job ko,” ayon sa aktres.
 
Dagdag pa niya, “So what I did is tumambay ako sa dance studio. I took the 12-2pm class and then the 5-9pm class everday. 'Yun lang 'yung ginagawa ko until tinawagan ulit ako ng Maynila to guest for their show as kontrabida. I lost 15 pounds na nu'n.”
 
Simula noon, hindi na pinalampas ni Coleen ang oportunidad na mag-showbiz. Naging bahagi siya ng ilang commercials, pelikula, short student films, at maging ng mga dulang pang-teatro.
 
Aniya, “I saw the opportunity, and then nag-audition na ako for commercials. I did films and short films for schools like CSB, La Salle, and I also did theater. That was the one that taught me about heavy acting, drama. In theater kasi, it's not easy. You have to fix in your character before you're set on stage and until you exit.” -- Bianca Rose Dabu/FRJ, GMA News