Jean Garcia at Eula Valdez: Mortal na magkaaway sa telebisyon

 
Kamakailan lamang ay bumalik na si Benjie (Jomari Yllana) sa buhay nina Rina (Jean Garcia) at Diana (Barbie Forteza). Sa pagbabalik niya, bitbit nito ang isang bagong karakter na si Ysabel na gagampanan ni Ms. Eula Valdez.
 
Ayon sa direktor ng The Half Sisters na si Mark Reyes, isang dekalidad na aktres lamang sa katauhan ni Eula Valdez ang maaaring itapat kay Jean Garcia. 

PHOTOS: Jean Garcia meets her match in 'The Half Sisters'
 
"They were together in All About Eve, long time ago, pero hindi sila directly [in conflict] with each other," ayon kay Direk Mark.
 
"Iba-iba 'yung level ng away ni[na] Rina at Alfred... 'Yung kabit na si Vaness del Moral is fantastic [in her role]. She stood her ground against Jean Garcia, [but it] is not the level of Eula and Jean. 'Yun ang hindi pa nakikita sa show," saad ni direk.
 
Makakatiyak ba ang audience na magpapalitan ng sampal ang dalawang aktres?
 
"Definitely! Sigurado 'yan," sabi ni Direk Mark.
 
Ayon din kay Direk Mark may magiging ugnayan din sina Alfred at Ysabel laban kay Rina.
 
"The enemy of my enemy is my friend," tugon ng direktor.
 
Kung kailan at paano magiging magkakarugtong ang buhay nina Rina, Alfred, Benjie at Ysabel, tunghayan sa bagong kabanata ng The Half Sisters sa GMA Afternoon Prime.
- Allanah Cris Paragas, GMANetwork.com