Victor Basa, nag-alinlangan noon na tanggapin ang kanyang role sa My Husband’s Lover

Inamin ng Kapuso actor na si Victor Basa na nagkaroon siya ng pag-aalinlangan sa simula nang ialok sa kanya ang role na bakla sa hit primetime series ng GMA-7 na My Husband’s Lover. “Initially may apprehensions talaga. Siyempre, mga lalaki tayo,” pagtatapat ng aktor nang makapanayam ng GMANetwork.com sa set of the controversial show. Ginagampanan ni  Victor sa serye ang role bilang si David, isa ring tagong bading na ex-boyfriend ni Vincent, na ginagampanan ni Tom Rodriguez. Ito umano ang unang gay role ni Victor na itinuturing niyang very challenging. “This role is very different because, in a sense, I mean I’m playing a gay role which is not simple at all. It’s really out of my comfort zone,” aniya. How then did he tackle such a challenging role? “I’m trying my best to reflect on the character at maging real person na si David. You can imagine him in real life na he’s a three dimensional, living, breathing character,” paliwanag ni Victor. Malaki rin umano ang naitutulong ng ginagawa niyang paghahanda bago pumunta sa set. “You have to read your script front to back. You should know the whole story until you start injecting emotions. You read it a couple of times over. Sometimes, I acted out in front of the mirror. Importante iyon. You have to know how you deliver it and different options kung papaano mo pwede gawin, ” paliwanag pa niya. Dagdag pa ni Victor: “Gusto mo iyong viewers mo makakita sila ng character na naiiba talaga sa iyo. Hindi iyong, 'Ay ganyan na naman iyong acting niya.'” Mapapanood ang My Husband’s Lover gabi-gabi, Lunes hanggang Biyernes pagkatapos ng Mundo Mo’y Akin sa GMA Telebabad. -- Eunicia Mediodia/Bochic Estrada/FRJ, GMANetwork.com