2012 Miss Universe first runner-up Janine Tugonon, ipinagmamalaki ng mga Pinoy

Bagamat hindi nauwi ng kandidata ng bansa na si Miss Philippines Janine Mari Tugonan ang korona bilang 2012 Miss Universe, hindi naman ito naging dahilan upang hindi siya ipagpugay ng mga Pinoy na sumusuporta sa kanya. Kaya naman, nagbigay ang ilang Pinoy users ng Twitter ng kanilang pasasalamat sa pagbibigay karangalan ng 22-anyos na dalaga sa bansa.

Pumangalawa si Janine sa Miss Universe pageant nitong Huwebes sa Las Vegas, Nevada sa United States. Inuwi naman ni Miss USA Olivia Culpo ang korona para sa taong ito. — Mac Macapendeg/BM, GMA News