Kampo ni Bea Binene hindi raw pinahintulutan ang pagsampa ng reklamo ni Atty. Topacio vs Papa Dan

Pinag-aaralan ngayon ng kampo ng tween star na si Bea Binene ang posibleng pagsampa nila ng reklamo laban kay Atty. Ferdinand Topacio.

 

Ito matapos nilang matuklasan na naghain si Topacio ng reklamong child abuse laban sa disc jockey na si Dan Christian Villanueva o mas kilala bilang si Papa Dan na walang pahintulot mula sa kanila.

 

Wika pa ng abugado ng mga Binene na si Atty. Flordeliza Vargas, "Tinitignan ng pamilya kung maaari na siyang sampahan ng administrative complain for conduct unbecoming of a lawyer."

 

 

 

Gayunpaman, hindi raw nila ito kinuha bilang abugado dahil kalaunang nagkasundo na sila ni Villanueva.

 

"It was brought to the attention of the network from three weeks ago. The network and its officers immidietely took action. That's why nagkaroon ng kasunduan din between Dan and Bea and Bea's mom (Carina Binene) at naayos na 'yon," saad ni Atty. Ma. Luz Delfin, VP- Legal Affairs ng GMA Network.

 

Samantala, pinag-iisipan na rin ng GMA Network na sampahan ng reklamo si Atty. Topacio dahil nakarating di-umanong mapanirang pahayag ng abugabo laban sa network.

 

"We're trying to go over the material of those interviews that he has been giving so that we can also consider what possible legal actions that we make... the network will take against Topacio," saad ni Atty. Delfin.

 

Paglilinaw pa ng Criminal Investigation and Detection Group (CIDG), wala silang isinasagawang imbestigasyon ukol sa inihaing reklamo ni Topacio dahil ang affidavit na hinrap nito ay walang lagda ng ina ni Bea.

 

Iginiit naman ni Topacio na kliyente niya ang mag-inang Binene.

 

Aniya, "Nalulungkot lang ako na pagkatapos tayong hingan ng tulong eh, tayo pa ang lumalabas ng masama gayong ginawa lamang natin ang mga hakbangin na inakala natin ay para maproteksyunan yong kanilang kaligtasan."

 

Sa parehong balita, ilang ulit daw sinamahan ni Topcio ang mga Binene sa CIDG upang ireklamo si Villanueva at hindi rin daw ipinaalam sa kanya ng mag-ina na nagkaayos na sila ng disc jockey.

 

Gayundin, handa raw si Topacio na harapin ang kung ano mang reklamo ang isasampa sa kanya ng mag-inang Binene at pati na rin ng GMA Network. — Mac Macapendeg/RSJ, GMA News