Child wonder Jillian Ward sa Tunay Na Buhay

Sino ang hindi mahuhumaling sa cute, makulit at matalinong si Jillian Ward? Mula sa pagiging commercial model, isa na ngayon si Jillian sa mga pinakakilalang child star sa bansa. Sa edad na pito, ilang Kapuso series na ang kanyang pinagbidahan. Kabilang na dito ang “Trudis Liit," “Daldalita," at “Luna Blanca." Pinarangalan siya bilang Most Popular Female Child Performer sa 2011 GMMSF Awards, at Movie Child Performer of the Year sa 28th PMPC Star Awards for Movies para sa pagganap niya sa pelikulang “Aswang." Pero sakabila ng kanyang busy schedule, alam niyo ba na hindi pinababayaan ni Jillian ang kanyang pag-aaral. Nakapagtapos na siya ng pre-school na may bitbit na apat na medalya. Sa darating na Sabado, September 22, 11:00 p.m., alamin ang mundo ng Kapuso child wonder sa pagsalang niya sa Tunay Na Buhay ni Rhea Ramos. Dito ay makikita ang kanyang Hello Kitty collection, at malalaman kung ano papaano niya ginagamit ang kanyang kinikita sa showbiz. – FRJ, GMA News