Maganda ang pagtatapos ng 2011 para sa GMA Network, Inc. (GMA) matapos magtala ng mas mataas na kalamangan sa television channel ranking laban sa ABS-CBN. Ito ay batay sa datos na ipinalabas ng mas pinagkakatiwaliang ratings service provider na Nielsen TV Audience Measurement. Base sa full 2011 nationwide data ng Nielsen (December 25 hanggang 31 sa overnight ratings), nagtala ang GMA ng 34.2 percent total day average television household audience share, laban sa 31.1 percent ng ABS-CBN at 15.6 percent sa TV5.
“GMA noticeably increased its total day household audience share record in 2011 versus 2010 by 3.2 points. In contrast, ABS-CBN's record suffered a significant drop of 8.6 points during the same period," ayon sa pahayag na ipinalabas ng GMA Network. Dahil dito, nadagdagan ng 1.5 million ang viewers ng GMA nitong 2011, habang nabawasan naman ng 500,000 viewers across all dayparts ang ABS-CBN. Ito ay kung pagbabatayan na may limang manonood sa isang tahanan. Nitong Disyembre, kumabig ang GMA sa total day average household audience share nationwide ng 36.2 share points, laban sa ABS-CBN na may 29.1 points; at sa TV5 na 15 points. Namayani ang GMA sa morning at afternoon blocks, matapos makapagtala ng double-digit margins ang Kapuso sa Kapamilya sa National Urban Philippines. “GMA also led across all dayparts in the important areas of Mega Manila and Urban Luzon, where bulk of television households in the country at 77 percent and 58 percent, respectively, are found," paliwanag sa naturang pahayag. Idinagdag pa na: “GMA dominated the list of overall top 30 programs in National Urban Philippines with 17 entries. In Urban Luzon, GMA had 23 programs in the same list; while in Mega Manila, GMA almost swept the slots with 25 entries." Kabilang sa mga nangunang programa ng GMA nitong Disyembre ay ang
Eat Bulaga, Pepito Manaloto, 24 Oras, Amaya, Protégé (The Final Battle), Munting Heredera, at
Kapuso Mo, Jessica Soho. 
"Owing to the Kapuso Network's consistently high nationwide ratings performance, the industry's top 30 advertisers grew their advertising accounts with GMA by 36 percent or over one third for the period January to September 2011 from the same period in 2010. ABS-CBN's regular advertising revenues, meanwhile, declined by four percent during the same period," nakasaad sa pahayag. Ang Nielsen TV Audience Measurement na tinatangkilik ng GMA ay ginagamit din ng 21 companies. Kabilang dito ang dalawang local networks na TV5 at Solar Entertainment; Faulkner Media; CBN Asia; at 13 pang advertising agencies at tatlong regional clients. Samantala, ang ABS-CBN ang tanging local major TV network na iniulat na nagsa-subscribe sa Kantar Media, na dating kilala bilang TNS. Sa Mega Manila pa lamang, ang Nielsen TV Audience Measurement ay mayroong sample size ng 800 kabahayan kumapara sa 770 kabahayan ng Kantar Media. Sa nationwide, ang Nielsen ay mayroong total sample size na 2,005 kabayahan, kumpara sa 1,370 kabahayan ng Kantar Media. Taliwas sa inihayag ng ABS-CBN na mayroon itong pending case laban sa Nielsen, lumitaw sa talaan ng korte na “prematurely filed" ang naturang kaso kaya ibinasura ito ni Presiding Judge Charito Gonzales ng Quezon City Regional Trial Court (RTC) noong January 7, 2008. Bukod dito, tinanggihan din umano ng korte ang mosyon na inihain ng ABS-CBN batay sa kautusan na ipinalabas noong June 8, 2009. Noong January 5, 2010, nagpalabas si Atty. Maila Doroteo Santos, Branch Clerk ng Quezon City RTC, ng Certificate of Finality, na nagkukumpirma na ang desisyon ng korte ay “final and executory." Maging ang subsequent Petition for Relief from Judgment at Motion for Reconsideration na inihain ng ABS-CBN ay ibinasura din ng korte dahil “substantive and procedural grounds." -
FRJ, GMA News GMANews Online is the official news website of GMA Network 
GMA Brandtalk
Tracking
Archives
