GMA Brandtalk
Tracking
Archives
Rhian Ramos gets second tattoo by Apo Whang-Od
Matapos ang unang beses niyang pagbisita sa Kalinga upang magpa-tattoo kay Apo Whang-Od, ang ang kinikilalang pinakamatandang mambabatok o “hand-tap tattoo artist,” muling dumayo sa nasabing probinsya ang Kapuso actress na si Rhian Ramos para sa “Round 2” ng kanilang tattoo session.
Kung tradisyonal na “scorpion and hawk” tattoo ang napili niya noon, isang orihinal na disenyo naman ang dala ni Rhian para sa kaniyang ikalawang tattoo.
“Round 2: The beginnings of my new (and hopefully, last) tattoo. Designed by me, drawn by Grace, and tapped in by Apo Whang Od, right above my last two tatts from them, the scorpion and hawk,” kuwento ng aktres.
Dagdag pa niya, “Their energies are so open and giving. I'm just so grateful they agreed to this request. A little old, a little new.”
Narito ang unang tattoo na pinagawa ni Rhian kay Apo Whang-Od at sa apo nito noong 2013.
Maliban sa pagbisita kay Apo Whang-Od, pinuntahan rin ni Rhian ang iba pang tourist attractions sa Kalinga.
Kuwento ng kaniyang kaibigang si Rach Librado tungkol sa kanilang kakaibang adventure, “Two hours topload adventure with the Riri, after almost seven hours of bus ride from Baguio.”
Kabilang si Rhian sa mga magiging bahagi ng upcoming GMA Primetime series na “My Love From The Star,” kung saan bibida sina Jennylyn Mercado at Gil Cuerva bilang Steffi at Matteo.
Inaasahang ipapalabas na sa GMA Network ang kaabang-abang na Pinoy adaptation ng nasabing hit Koreanovela ngayong summer. —ALG, GMA News
