Dennis Trillo celebrates 36th birthday with Jennylyn, family, friends

Abala man sa mga pagbibidahan nilang Kapuso Primetime series ngayong taon, nakapaglaan pa rin ng oras sina Kapuso stars Jennylyn Mercado at Dennis Trillo para sa simpleng 36th birthday celebration ng aktor nitong nakaraang linggo.

Kabilang sa mga dumalo sa intimate party para sa Kapuso actor ay ang mga kapamilya at malalapit na kaibigan ng magkasintahan.

Naghahanda na ngayon si Dennis para sa kaniyang nakatakdang pagbida sa “Mulawin vs. Ravena,” ang upcoming GMA Primetime series na magtutuloy ng sinubaybayang kuwento sa hit 2004 telefantasy na “Mulawin.”

Bibida naman si Jennylyn sa kaabang-abang ng Pinoy TV adaptation ng hit Koreanovela na “My Love From The Star” kasama ang Kapuso leading man si Gil Cuerva. —ALG, GMA News