Payo ni Gabbi Garcia para matupad ang mga pangarap: 'Step out of your comfort zone'

“This is where one of my dreams came true.”

Ito ang paglalarawan ng Kapuso actress at “Encantadia” star na si Gabbi Garcia sa Lake Gairdner sa South Australia kung saan kinunan ang kauna-unahang commercial niya bilang na itinuturing, “First Filipina Ambassador for Asia” ng isang sikat na hair care brand.

Aniya, maraming pagbabago na raw ang nangyari sa kaniyang buhay mula noon.

“I've been discovering new things about myself lately, my limits and my own capabilities as a person. A lot has been happening and it's only the fifth month of the year. It's been crazy and overwhelming at the same time,” kuwento niya sa isang Instagram post kamakailan.

Nais ni Gabbi na gamitin ng kaniyang mga tagahanga ang karanasan niya bilang inspirasyon upang abutin ang kani-kanilang mga pangarap, kahit na hindi ito madali at kahit na ano pa ang sabihin ng ibang tao.

Mensahe ng aktres, “I just want to say that whatever you guys are going through, may it be tough or easy, never ever let anyone tear you down. Explore, discover, step out of your comfort zone. Don't be afraid to try new things. Keep that fire inside of you burning.”

“You'll realize in the end, that it's all gonna be worth it,” pagtatapos niya.

 

A post shared by Gabbi Garcia (@_gabbigarcia) on

Apr 1, 2017 at 8:36pm PDT

 

Mapapanood si Gabbi bilang si Sang'gre Alena sa GMA Primetime series na “Encantadia” kasama sina Sanya Lopez, Glaiza de Castro, Ruru Madrid, Rocco Nacino at marami pang iba. -- FRJ, GMA News