'Darna meets Darna': Marian Rivera and Angel Locsin join forces in magazine cover

Sa isang pambihirang pagkakataon, nagkasama sa isang magazine cover ang Kapuso Primetime Queen na si Marian Rivera at ang aktres na si Angel Locsin, na parehong nakilala dahil sa kanilang pagbibigay-buhay sa iconic Pinoy superhero na si Darna.

Bida ang dalawang aktres sa cover ng espesyal na 25th anniversary issue ng Mega Magazine—ang kauna-unahang pagkakataong magsasama sila sa isang magazine cover.

Ayon sa mga bumubuo ng nasabing magazine, bahagi raw ng kanilang “bucketlist” ang mapagsama ang dalawa sa itinuturing na iconic actresses ng kasalukuyang henerasyon.

“Coinciding with MEGA’s 25th anniversary, our Bucket List issue salutes these superlatives by bringing together two of the biggest names in the Philippine showbiz scene for their first joint magazine cover. Each with a trail of hard-earned success blazing behind them, Angel Locsin and Marian Rivera propel themselves forward and take life by the horns,” anila.

Pagpapatuloy pa ng magazine sa isang Instagram post, “Daring to always live out the truest of true, these iconic beauties of their time take us on the next steps of their lives.”

Silipin ang ilan sa mga larawan nina Marian at Angel mula sa espesyal na 25th anniversary issue ng Mega Magazine. -- FRJ, GMA News