Gabbi Garcia cries at advanced 18th birthday celebration with fans

Nagkaroon ng advanced 18th birthday celebration ang Kapuso actress at “Encantadia” star na si Gabbi Garcia nitong nakaraang linggo kasama ang ilan sa mga pinakamasugid niyang tagahanga.

Hindi napigilan ng aktres na maging emosyonal nang sorpresahin siya ng kaniyang fans ng isang simpleng debut party.

Aniya, “A day I will forever treasure... Cried from the very start til' the end. Most of the people close to me knows how emotional I am. I honestly can't explain how happy I was that day. Everything was perfect.”

Nagbigay rin siya ng mga nakakaantig na mensahe para sa kaniyang fans na nag-organisa ng kaniyang surprise birthday celebration.

“My dearest admins. Thank you for your effort, for your sincerity, and for loving me unconditionally. Thank you for never leaving my side. Kayo na talaga, mga bes. Love you guys!” mensahe niya sa kaniyang mga tagahanga.

Dagdag pa niya, “Gabbified, from the bottom of my heart, THANK YOU. I love each and everyone of you!! Thank you for the love and for being loyal no matter what. I will never forget this. Ibang klase kayo, mahal na mahal ko kayo.”

Maliban sa “Sunday Pinasaya” at “Encantadia,” abala rin ngayon si Gabbi sa paghahanda para sa kaniyang debut, na tatawaging #SincerelyGabbi. —JST, GMA News