Alden and Maine bond with AlDub Nation

Nagpasaya at nagpakilig ng higit sa 2,000 na mga tagahanga ang phenomenal Kalyeserye stars na sina Maine Mendoza at Alden Richards sa fan event na pinamagatang “#ALDUBNationFest2016: Fun, Flair, Friendship,” na naganap nitong Linggo.

Isang paraan raw ang pagtitipon na ito upang makapagpasalamat ang tambalan sa patuloy na pagmamahal at suportang ibinibigay sa kanila ng AlDub Nation.

Ayon kay Maine sa kaniyang Instagram post, “Today was indeed a(nother) remarkable day for the AlDub Nation. It was a fun-filled day for everybody; a day filled with smiles, laughter, joy and love. Thank you very much to the organization committee, to those who helped and to everyone who came.”

“It was nice spending time with you all; and it was also nice meeting new people! I hope you all had a great time– team SMX, team bahay and team abroad. And to those who weren't able to come, may next time pa! May tamang panahon din tayo! Grazie mille, ADN! Aldub you all! *fandom hug*” dagdag pa niya.

Mensahe naman ng Pambansang Bae sa kanilang mga tagahanga, “From the bottom of our hearts... Thank you for everything ALDUBnation.”

Maliban sa mga performance mula kay Alden at Maine, napuno rin ng iba't ibang interactive booths at talent showcase ang #ALDUBNationFest2016.

Dito rin inanunsyo ni Direk Mike Tuviera na malapit na ang paglabas ng “Imagine You & Me” DVD. —JST, GMA News