KC Concepcion, masaya sa piling ng rumored boyfriend na si Aly Borromeo

Hindi na naitago nina KC Concepcion at ng rumored boyfriend niyang football player na si Aly Borromeo ang sweetness nang dumalo sa isang event.

Katunayan, maging sa mga post sa kanilang Instagram accounts, kitang kita ang closeness ng dalawa sa kanilang mga larawan.

Sa isang larawan pa nga, makikitang tila sumisimple sa pag-kiss kay KC ang dating Azkals team captain.

Thankful naman ang aktres dahil very supportive daw si Aly sa kaniyang trabaho at maging sa mga pagbabago sa kaniyang carrer, ayon sa Chika Minute report.

Para naman kay Aly, itinuturing niyang perfect match sila ni KC na isang athlete at isang artist. -- FRJ, GMA News