Andrea Torres to bring the sizzle as Venus in 'Alyas Robin Hood'

Sa pamamagitan ng kaniyang Instagram post, ipinasilip ng Kapuso actress na si Andrea Torres kung gaano ka-sexy ang karakter na ginagampanan niya sa hit GMA-7 primetime series na "Alyas Robin Hood."

Ito umano ang unang pagkakataon na nag-two piece bikini si Andrea sa telebisyon, kung saan ginagampanan niya ang karakter ni Venus, na sasaklolo sa karakter ni Dingdong Dantes, na si Pepe.

Kasama rin sa Alyas Robin Hood ang isa pang leading lady ni Dingdong na si Megan Young, habang gumaganap naman na kontrabida na si Sid Lucero. —with Jannielynn Ann Bigtas/ FRJ, GMA News