Gabbi Garcia and Ruru Madrid are 'partners in primetime' in new magazine feature

Bida sa isang magazine feature ang Kapuso love team at “Encantadia” stars na sina Gabbi Garcia at Ruru Madrid ngayong buwan ng Setyembre.

Binansagan sila ng isang kilalang fashion magazine bilang “partners in primetime” kasabay ng pagbida nila bilang sina Ybarro at Sang'gre Alena sa remake at retelling ng nasabing hit Kapuso fantasy series ngayong taon.

Inaasahang susunod ang dalawa sa yapak nina Marian Rivera at Dingdong Dantes bilang Kapuso Primetime King and Queen.

“The tight-knit love team now stars in GMA's #Encantadia as Ybarro and Sang'gre Alena, and it seems that the show's earthly theme coincides with their off-screen lives: They let nature take its course,” ayon sa Preview Philippines.

Dagdag pa nito, “As a result, the two are consistently in sync as they work toward achieving their goal of becoming primetime's king and queen. In a nutshell? '#Success,' Gabbi surely declares.”

Tulad din ng DongYan, tila nagkakamabutihan din sina Gabbi at Ruru maging sa likod ng camera dahil nang tanungin sila tungkol sa estado ng kanilang relasyon, “special friends” ang tugon ng tambalan.

 

A photo posted by Preview Magazine (@previewph) on

Sep 6, 2016 at 5:24pm PDT

Nitong Hulyo, nakabilang sina Gabbi at Ruru sa 100 Most Beautiful Stars ng Yes! Magazine bilang isa sa “Fast-rising Love Team.”

 

A photo posted by Gabbi Garcia (@_gabbigarcia) on

Jul 14, 2016 at 5:49am PDT

Bukod sa "Encantadia," mapapanood din ang GabRu tuwing Linggo sa Kapuso comedy variety show na “Sunday Pinasaya,” kasama sina Marian Rivera, AiAi Delas Alas, Jose Manalo, Wally Bayola, Barbie Forteza, Andre Paras, at ilan pa sa pinakamagagaling na komedyante sa industriya.

Kasama naman sa "Encantadia" sina  Kylie Padilla, Sanya Lopez, at Glaiza de Castro bilang Sang'gre Amihan, Danaya, at Pirena; gayundin sina Rocco Nacino, Klea Pineda, James Teng, Buboy Villar, John Arcilla, at marami pang iba. -- FRJ, GMA News