GMA Brandtalk
Tracking
Archives
Heart Evangelista shares her evolution as a ‘make up girl’
Itinuturing ang Kapuso actress, artist, at “Juan Happy Love Story” star na si Heart Evangelista na isa sa mga fashion and style icons sa showbiz industry.
Gayunman, aminado siya na malaki na ang ipinagbago ng kaniyang style noong teen star pa siya at ngayong isa na siyang maybahay.
Aniya, 13 taong gulang pa lamang siya nang matutong maglagay ng make-up dahil na rin sa impluwensya ng kaniyang ina at mga kapatid.
Kuwento ng aktres sa panayam ng GMA News Online, “I was 13 when I learned about make-up. I started doodling on magazines. I doodle with pentel pens, put an eyeliner to the faces on the pages. I would love doing that. Minsan, nilalagayn ko rin ng braces, lipstick.”
Dahil bata pa siya, hindi naiwasan ni Heart ang mag-eksperimento ng iba’t ibang make-up products, at maging ng ilang do-it-yourself style projects.
“Before, I didn't know a lot of this. Like your blush should sort of match your lipstick. Dati, pinaghahalo ko ang orange at pink, even purple. I'd go wild! I would have glitters, everything, name it,” aniya.
Dagdag pa niya, “When I wake, super chinita ng eyes ko kasi namamaga. I would have rashes kasi kung ano-anong nilalagay ko. When I was a little girl, I wasn't allowed to use make-up, so I used a Pilot sign pen as eyeliner. I even used crepe paper as cheek tint!”
Habang tumatagal, natutunan na raw ni Heart ang ilan sa mga sikreto at technique ng make-up at style.
“Classic” umano ang paglalarawan niya sa kaniyang kabuuang istilo ngayon—mula sa make-up, hanggang sa pananamit at pamimili ng accessories.
Ayon kay Heart, “My style now is very basic, classic look. I love black, white, and nude! When I look back 12 years ago, I go 'nakakahiya!' but now, I think I can look back and say, 'Ah, I like what I as wearing.'”
Isa umano sa kaniyang make-up staples ang lipstick at lip liners, na kabilang sa mga unang make-up products na natutuhan niyang gamitin.
“I'm a make-up girl, but I think it's important to have the right shade of lipstick. It totally changes the look. Hindi naman kailangan na lagi kang super made up. Lipstick will do the trick,” paliwanag niya.
Kamakailan lang, inilunsad ang kauna-unahang make-up collaboration ni Heart na "Happy Skin x Love Marie," kung saan tampok ang tatlong shades ng mini lippies at lip liners na pinili mismo ng aktres.
"Give a woman the right lippie and she can conquer the world!” aniya sa heart-shaped packaging ng Happy Skin x Love Marie mini moisturizing lipstick set. -- FRJ, GMA News
