'Alena' Gabbi Garcia, napiling cover girl ng isang teen magazine

Ang Kapuso at Sang'gre Alena ng "Encantadia" na si Gabbi Garcia ang napiling cover girl sa August issue ng isang teen magazine.

Si Gabbi ang featured personality para sa "homegrown" issue ng Candy Magazine, ayon sa "Chika Minute" report ng GMA news 24 Oras nitong Huwebes.

Sa cover, hippy and trendy ang peg ni Gabbi sa kanyang outfit and pose. Lumutang naman sa behind-the- scenes clips ng kanyang shoot  ang fun side ng young star na simple yet regal ang ganda at dating.

Samantala, mapapanood na sa susunod na linggo ang transformation ng mga sang'gre at makikita na sila sa kanilang warrior outfits. -- FRJ, GMA News