Bae-by Baste, bibong-bibo sa behind-the-scenes video ng kaniyang bagong endorsement

Matapos ilabas ang bagong billboard nitong nakaraang buwan, ipinasilip naman ng sikat na local clothing at lifestyle brand ang behind-the-scenes video ng bagong endorsement na pinagbibidahan ng “Eat Bulaga!” child star na si Bae-by Baste. 

Cute at bibong-bibo si Baste sa naganap na photoshoot para sa Baby Bench Colonia.

Mula nang i-post ito sa kaniyang Facebook page nitong Lunes ng hapon, umano na ng higit sa 5,000 likes at reactions ang BTS video ng kaniyang endorsement.

Ayon sa Bench, “Fall in love with the cutest three-year-old boy as he endorses Baby Bench colognes. Have that pleasant scent as you welcome happiness!”

Kabilang na ngayon ang child star sa bigating roster ng celebrity ambassadors para sa naturang clothing at lifestyle brand, kasama ang mga malalaking artista tulad nina Maine Mendoza, Alden Richards, Marian Rivera, Dingdong Dantes, at marami pang iba. —JST, GMA News