Naniniwala kaya sina Janine Gutierrez at Aljur Abrenica sa reincarnation?

Nagsimula na nitong Lunes ng gabi ang pinakabagong GMA Primetime series na “Once Again,” isang reincarnation love story na pinagbibidahan nina Janine Gutierrez at Aljur Abrenica.

Kuwento ng Kapuso actor sa panayam ng “Unang Hirit,” kakaiba raw ang pinakabagong programang pagbibidahan nila ni Janine, na nauna niyang nakasama sa Kapuso romantic drama anthology na “Dangwa.”

“It's a reincarnation love story. Kakaiba siya, an original concept from GMA. Maraming characters. Kaming dalawa pa lang ni Janine, tig-dalawang characters na ang ipo-portray namin—from the 90s, noong accidentally kaming namatay, and during the present time,” kuwento niya.

Dugtong naman ni Janine, “Interesting rin kasi may characters na nakasama namin noong past life namin na buhay pa rin hanggang ngayon. 'Yung kontrabida, may possibility na makita niya ulit kami at maghasik siya ng lagim sa present since magkalapit lang ang timeline.”

Tatalakayin rin sa teleserye ang iba't ibang paniniwala tungkol sa reincarnation, o muling pagkabuhay. 

Ayon kay Aljur, “May iso-solve kaming mysteries kasi nga siyempre past lovers kami—bakit ko siya napapanaginipan, bakit ako takot sa certain things.. There’s a chance pa na maso-solve namin ang nangyari noon at mabigyan ng justice ‘yung [pagkamatay namin]. There’s a chance pa na maso-solve namin ang nangyari noon at mabigyan ng justice ‘yung pagkamatay namin.” 

Ngayong gaganap sila sa kakaibang reincarnation love story, naniniwala kaya sina Janine at Aljur sa posibilidad ng muling pagkabuhay?

“I think it’s a possibility at may probability. ‘Di ba madaming naniniwala diyan, lalo na sa ibang countries at ibang religions. Dito naman sa Pilipinas, uso 'yung kapag dinapuan ka ng paru-paro, sasabihing dinadalaw ka ng kamag-anak na namatay na. Tingnan natin kung mayroon ngang ganun,” paliwanag ng Kapuso actress. 

Kuwento naman ni Aljur, “Ako naku-curious ako. Simula noong ibinigay ang project na ito, hindi na tumigil ‘yung research ko about reincarnation.”

Mapapanood ang “Once Again” sa GMA Telebabad gabi-gabi, pagkatapos ng “Poor Señorita.” -- FRJ, GMA News