Marian Rivera's first magazine shoot since giving birth

Matapos ang pagbabalik-showbiz niya noong nakaraang buwan, tuloy-tuloy na ang mga projects ng Kapuso Primetime Queen at “Sunday Pinasaya” star na si Marian Rivera.

Sandaling nawala sa telebisyon ang aktres mula nang isilang niya ang panganay na anak nila ni Kapuso Primetime King Dingdong Dantes na si Baby Maria Letizia noong Nobyembre ng nakaraang taon.

Nitong nakaraang linggo, tampok ang Kapuso Primetime Queen sa isang photo shoot para sa kaniyang pinakabagong magazine cover.

Bukod sa “Sunday Pinasaya,” nakatakda ring bumida si Marian sa remake ng Kapuso fantasy series na “Encantadia” bilang si Ynang Reyna.

Inaabangan na rin ng marami ang kaniyang sariling talk show at ang pagbabalik-tambalan nila ni Dingdong. —Bianca Rose Dabu/JST, GMA News