Julia Clarete, nagpaliwanag kung bakit wala siya sa 'Eat Bulaga'

Sa pamamagitan ng kaniyang Facebook account, sinagot ng TV host-singer na si Julia Clarete ang mga tanong ng kaniyang followers kung bakit hindi na siya napapanood sa "Eat Bulaga!"

Paliwanag ni Julia sa mga nag-comment sa isa niyang post, nakabase na siya ngayon sa Kuala Lumpur, Malaysia.

Humingi rin siya ng paumanhin na hindi siya nakapagpaalam sa kaniyang mga tagasuporta.

"Nakatira na kasi ako sa Kuala Lumpur ngayon... Pasensiya na kung hindi ako naka pag padespedida man lang. Pero hayaan niyo, pagnaayos ko na ang lahat, babalik ako para magsama sama tayo. Sa#tamangpanahon," ani Julia.

Gayunman, nag-post din ng anunsiyo si Julia na nasa bansa siya sa huling linggo ng Enero para sa isang pagtatanghal.

-- FRJ, GMA News