AlDub takes first selfie with the Eat Bulaga Dabarkads

Bumisita sina Yaya Dub, Lola Nidora, at Lola Tinidora sa Broadway nang magkakasama sa kauna-unahang pagkakataon nitong Sabado.

Matapos makabisita si Alden sa mansyon noong nakaraang linggo, nagkaroon naman ng pagkakataon si Yaya Dub na makilala ang mga Dabarkads ng Eat Bulaga.

Hindi pinalampas ng AlDub at ng Dabarkads ang pagkakataon para sa kanilang kauna-unahang selfie.

Sa isang Twitter post, tinawag ito ng batikang host na si Joey de Leon na "Bulagaan University, Class of 2015."

Bulagaan University, Class of 2015 #ALDUBmeetsTVJ pic.twitter.com/yIgQc5h60D

— Joey de Leon (@AngPoetNyo) October 3, 2015

Sa huli, tila mas hahaba pa ang panahong maka-bonding ni Yaya Dub ang Dabarkads dahil magkakapalit na sila ng pwesto ni Alden.

Simula Lunes, makakasama na nina Lola Nidora, Tidora, at Tinidora ang Pambansang Bae sa Sugod Bahay sa mga barangay, habang makakasama naman ng Dabarkads ang Kalyeserye sweetheart sa Broadway. --Bianca Rose Dabu/JST, GMA News