Joey de Leon, naaliw sa lalaking nagpa-tattoo ng larawan ni Yaya Dub

Dahil sa tindi ng pagkabilib, ipinakita ni Joey de Leon sa mga manonood ng kalyeserye ng Eat Bulaga ang larawan ng isang lalaki na nakita niya sa social media na nagpa-tattoo ng mukha ni Maine "Yaya Dub" Mendoza.


 
Bago umera ang kalyeserye, kinuha ni Joey ang kaniyang cell phone para hanapin ang larawan ng lalaki na hindi pa malaman ang pangalan.
 
Bago tayo mag-umpisa pakita ko lang 'to, paki-closeup na lang 'to, matindi 'to.  Mga kaibigan, dala ng pagmamahal kay Yaya Dub, ayan nagpa-tattoo ito. Hindi ko alam pangalan niya e," sabi ni Joey.


 
Ayon kay Michael V. sa umpisa ay inakala niyang peke ang tattoo pero nang makita niya ang isa pang larawan ay nakumpirma niyang totoo ang tattoo.
 
"Kung sino ka man, isa kang bayani, makabagong bayani," biro ni Bitoy.


 

Ms. @aubreycarampel is looking for Kuya! Any info of his whereabouts is extremely appreciated! :) #ALDUBMaiDenHeaven pic.twitter.com/wgqlD1PPkw

— EySee (@seryeanalyst) August 29, 2015

Samantala, pinuri din ni Joey sa social media ang naisip na bagong hashtag ng mga follower nina Alden at Yaya Dub na "#ALDUBMaiDenHeaven.
 
Saad ni Joey sa kaniyang tweet: "#ALDUBMaiDenHeaven is one of the best hashtags. Congratulations!"

#ALDUBMaiDenHeaven is one of the best hashtags. Congratulations! In truth the whole Kalyeserye-AlDub phenom for me is a MIRACLE! #EATBULAGA

— Joey de Leon (@AngPoetNyo) August 28, 2015

Kalyeseryoso na ba sa tunay tinginan ng #ALDUBMaiDenHeaven? Serious na rin mga inggitero't nanggugulo na naman sa hashtag! Ingat Aldubarkads

— Joey de Leon (@AngPoetNyo) August 29, 2015

 
Nitong Sabado, naging top trending topic sa Twitter ang naturang hashtag sa Pilipinas at buong mundo.
 
Umabot din ang tweets na may "#ALDUBMaiDenHeaven sa mahigit dalawang milyon at target ng mga AlDubers na umabot  ito sa tatlong milyon para makagawa ng bago nilang record sa dami ng tweets. -- FRJimenez, GMA News