Marian Rivera celebrates birthday with supporters from various fan clubs

Ipagdiriwang ng Kapuso Primetime Queen at “Sunday Pinasaya!” star na si Marian Rivera ang kaniyang 30th birthday sa darating na Miyerkules. At bukod sa mga sorpresa at selebrasyon kasama ang kaniyang mga katrabaho sa showbiz, pamilya, at mga kaibigan, hindi rin pinalampas ng mga tagahanga ng aktres na ipagdiwang ang kaarawan niya.
 
Nitong Lunes, nagsama-sama ang fans ng Kapuso star mula sa iba't ibang fans club para sa isang misa at malaking salo-salo kasama mismo si Marian at ang nanay at lola nito.
 
Naantig naman ang puso ng celebrity mom-to-be dahil sa walang humpay na suporta sa kaniya ng kaniyang mga tagahanga, na nagmahal sa kanila ng kaniyang asawa at “Pari 'Koy” star na si Dingdong Dantes, pati na sa kanilang magiging panganay na anak na ipinagbubuntis niya pa lamang.
 
Ayon kay Marian, “Marami akong ipinagpapasalamat sa buhay ko. Isa na roon ang pagkakaroon ng ganitong mga tao na sobrang mag mahal sa akin-- sa asawa ko, at sa anak ko na nasa tiyan ko pa lang. Salamat sa araw araw na pagdarasal niyo sa pamilya ko.”
 
“Kayo ang isa sa mga dahilan kung bakit masarap mabuhay, dahil kayo ang isa sa mga nagpapatunay na ang pagmamahal ay walang hanggan,” dagdag pa niya.
 

 

Marami akong ipinagpapasalamat sa buhay ko. Isa na roon ang pagkakaroon ng ganitong mga tao na sobrang mag mahal sa akin- sa asawa ko, at sa anak ko na nasa tiyan ko pa lang. Salamat sa araw araw na pagdarasal niyo sa pamilya ko. Kayo ang isa sa mga dahilan kung bakit masarap mabuhay, dahil kayo ang isa sa mga nagpapatunay na ang pagmamahal ay walang hanggan. Maraming salamat sa pagiging mabuti ninyong mga tao, at palagi niyo itong tatandaan: mahal na mahal ko din kayo... hanggang sa pagtanda ko, isa kayo sa masasabi kong naging magandang parte ng buhay ko, na kailan man ay ipagpapasalamat ko sa Panginoon. Mabuhay ang mga tao na katulad ninyo na may busilak na kalooban at totoong nagmamahal. Nawa'y pagpalain pa kayo ng ating Ama sa langit. #ThanksGiving?? ???????????? Marian Knights mariamarians Super Solid Marian Marian Elite Group Original Marian Devotees Team Marian DongYanatics Dynamics DongYan Exclusive DongYan Warriors DongYan Forever DongYan International DongYan rules DongYan Onliners DongYanholics DongYan Crusaders DongYan Superfriends

A photo posted by Marian Rivera Gracia Dantes (@therealmarian) on

Aug 10, 2015 at 5:30am PDT

 
“Maraming salamat sa pagiging mabuti ninyong mga tao, at palagi niyo itong tatandaan: mahal na mahal ko din kayo... hanggang sa pagtanda ko, isa kayo sa masasabi kong naging magandang parte ng buhay ko, na kailan man ay ipagpapasalamat ko sa Panginoon.”
 
“Mabuhay ang mga tao na katulad ninyo na may busilak na kalooban at totoong nagmamahal. Nawa'y pagpalain pa kayo ng ating Ama sa langit,” pagtatapos ng aktres.
 
Kabilang sa mga fans club na dumalo at nag-organize ng malaking salo-salong ito para kay Marian ang Marian Knights, MariaMarians, Super Solid Marian, Marian Elite Group, Original Marian Devotees, at Team Marian.
 
Naroon din ang supporters ng loveteam nila ni Dingdong, gaya na lamang ng DongYanatics, Dynamics, DongYan Exclusive, DongYan Warriors, DongYan Forever, DongYan International, DongYan rules, DongYan Onliners, DongYanholics, DongYan Crusaders, at DongYan Superfriends. -- FRJ, GMA News