How Megan Young is preparing for 'Marimar'

Bukod sa familiarity workshop ng cast at iba't iba pang acting workshop at training, sumasailalim rin sa marami pang aktibidad ang Miss World 2013 at pinakabagong bibida sa ikalawang Pinoy remake ng hit Mexican TV series na "Marimar" na si Megan Young.

 

Kabilang na sa mga pinag-aaralan ni Megan ang horseback-riding at SCUBA diving kasama ang mga certified trainers upang masiguro ang maganda niyang pagganap sa isa sa mga karakter na minahal ng mga Pilipino.

 

Nalalapit na nga pagpapalabas ng pinakabagong Pinoy remake ng "Marimar" sa GMA Network, kung saan tampok sina Megan Young at Tom Rodriguez bilang Marimar at Sergio.

 

Bahagi rin ng cast sina Solenn Heussaff, Lauren Young, Jaclyn Jose, Jaya, Alice Dixson, Ina Raymundo, Zoren Legaspi, Ashley Cabrera, Maricris Garcia, Frank Magalona, Candy Pangilinan, Dion Ignacio, Ricardo Cepeda, Cris Villanueva, Carmi Martin, at marami pang iba.