Kuya Germs, balik-programa sa 'Walang Tulugan!'

Espesyal ang episode ng GMA show na "Walang Tulugan" sa Sabado ng gabi, June 6, dahil babalik na sa programa ang host nitong si Master Showman German "Kuya Germs" Moreno.

Sa "Chika Minute" report ng GMA News 24 Oras, sinabing sa taping nitong Biyernes ng nabanggit na late night show, masayang-masaya si Kuya Germs sa kaniyang pagbabalik.



Labis din ang kaniyang pasasalamat sa mga sumusuporta sa kaniya.

Anim na buwan ding nagpahinga sa trabaho sa kuya Germs matapos ma-stroke noong Enero.

Sumailalim siya sa therapy para manumbalik ang kaniyang lakas.

Nitong Abril lang, balik-radyo rin siya.

Umaasa ang mga nagmamahal kay kuya Germs na tuluy-tuloy na ang kaniyang pagbabalik sa telebisyon. -- FRJ, GMA News