LOOK: Mga jacket na ipamimigay ni Willie sa 'Bigyan ng Jacket' segment

Ilang linggo lamang matapos ang pagpirma ng kontrata ni Willie Revillame bilang isang Kapuso artist, tuloy-tuloy na ang paghahanda para sa kanyang bagong game show na 'WowoWin.'

Nitong nagdaang linggo lamang, ipinasilip sa mga nagaabang na manonood ang magiging studio ng naturang game show.

Ayon sa malapit na kaibigan ng TV host na siyang nag-post na larawan, isang linggo pa lang ang nagdaan nang buuin ang naturang studio, patunay na nagiging mabilis na ang paghahanda para sa pagbabalik-telebisyon ni Willie.

 

Wow. In just a week. So fast! Exciting. Soon. #wowowin

A photo posted by Adrian Gret (@adriangret) on

Mar 30, 2015 at 6:57am PDT

Bukod pa diyan, handa na rin ang jacket na ipamimigay ni Willie sa isa sa pinakaaabangang segment ng 'WowoWin'-- ang 'Bigyan ng Jacket 'Yan!'

Ayon kay Willie sa mga naunang pahayag, "Sa sampung jacket na 'yon, meron hong nakalagay du'ng cash o kung ano man. Pero merong isang susi du'n, yung susi na 'yon, 'pag umandar yung sasakyan, iuuwi mo na 'yon," paliwanag niya.

Bukod sa sasakyan, asahan na raw ang pamimigay ng papremyong cash at maging bahay at lupa.

"Magbibigay kami ulit siyempre ng one million, magbibigay ulit kami ng sasakyan, house and lot. Kumpleto na, kumpletong-kumpleto na para sa isang buong pamilya," masaya niyang balita.

 

Wowowin Jacket #BigyanNgJacket #Wowowin #WillieRevillame #GMA ????

A photo posted by WBR (@wbrnetizens) on

Apr 2, 2015 at 12:07am PDT

Itinuturing ni Willie na pagbabalik ang ginawa niyang pagpirma ng kontrata sa GMA Network dahil dito umano siya nagsimula nang maging miyembro ng "Hawi Boys" ni Randy Santiago sa dating noontime show na "Lunch Date" noong 1980's.

Hindi pa batid kung sino ang makakasama ni Willie sa programa pero si Randy ang magiging direktor nito.

Ka-partner ng GMA ang production company ni Willie na WBR Entertainment sa Wowowin na mapapanood tuwing Linggo, na inaasahang mapapanood sa Abril. - JST, GMA News