Ai Ai delas Alas, single na uli

Kinumpirma ng Concert Comedy Queen na si Ai Ai delas Alas na single na uli siya matapos maaprubahan ang diborsiyo nila ng kaniyang dating asawa na si Jed Salang.

Sa ulat ng GMA News TV's Balitanghali nitong Biyernes, sinabing nag-post si Ai Ai sa kaniyang Instagram account ng katagang 100 percent na single na uli siya.

Thankful at moving forward na raw ang komedyante matapos ang bigong pagsasama nila ni Jed.



Basahin: Ai-Ai delas Alas 'starting to heal' after split from husband Jed Salang

Ikinasal ang dalawa sa Las Vegas, Nevada noong Abril 2013 pero ilang linggo lang ang nakalipas ay humantong na sa demandahan ang kanilang pagsasama.

Sa isang ulat naman ng PEP.Ph, sinabing hindi pa malinaw kung kailan ibinaba ng korte sa Las Vegas ang desisyon sa diborsyo ng dalawa.

Hihintayin pa raw ni Ai Ai ang kopya ng divorce papers. -- FRJ, GMA News