Kyla at Rich Alvarez, may naisip nang pangalan para sa kanilang baby boy

Pitong buwan nang nagdadalang tao ang Kapuso singer na si Kyla sa kanyang asawang si Rich Alvarez. At masayang ibinalita ng dalawa na baby boy ang kanyang ipinagbubuntis. Maliban dito, may naiisip na raw silang pangalan at nakabili na rin daw sila ng gamit para sa kanilang panganay. Kwento pa ni Kyla, "Nag-order kami online ng mga shoes, ganon, mga damit, diaper bag." Sa ulat ng Balitanghali nitong Lunes, malusog daw ang kanilang sanggol ayon sa kanyang ultrasound. Maliban dito, ipinagdarasal naman nilang mag-asawa na sana maging maayos ang panganganak ng Kapuso singer. — Mac Macapendeg/BM, GMA News