'Ophiuchus' Kapuso stars

Mainit na pinag-uusapan ngayon ang pagkakaroon ng ika-13 zodiac sign na tinawag na “Ophiuchus." Alamin kung sino ang mga Kapuso celebrities na pumatak ang kapanganakan sa bagong zodiac sign. Batay sa naglabasang ulat, nagkaroon ng pagbabago sa listahan ng mga zodiac sign dahil sa pagbabago ng constellation sanhi ng hatak ng buwan sa ating planeta. Ang zodiac signs ay ibinabase ng mga astronomer sa constellation sa araw ng kapanganakan ng isang tao. Dahil sa pagpasok ng Ophiuchus (hango sa Greek word na "serpent handler"), nausog din ang petsa ng kapanganakan ng tao na ginagamit na batayan sa kanilang zodiac sign. Sa mga social networking sites, patuloy ang debate at pagtatalo-talo kung dapat bang sundin ang bagong listahan ng zodiac sign. May nagsasabi rin kasi na dalawa ang klase ng zodiacs – ang tropical zodiac at sidereal zodiac. Ang mga “Ophiuchus" na ipinanganak mula Nobyembre 29 hanggang Disyembre 17 ay inilalarawan na may kakayahang magpagaling, malakas ang kutob at mahusay sa dream interpretation.
For the latest Philippine news stories and videos, visit GMANews.TV Narito ang mga “Ophiuchus" celebrities ng Kapuso Network batay sa listahan ng kaarawan ng mga Kapuso celebrities sa iGMA.TV. Magpalit kaya sila ng kanilang zodiac sign?: - Boxing champion at Saranggani Rep. Manny Pacquiao (Dec 17) - Funny man Michael “Bitoy" V (Dec 17) - Tween star Joshua Dionisio (Dec 14) - Actress-host Chynna Ortaleza (Dec 6) - Heartthrob Mark Herras (Dec 14) - Actor-host Hero Angeles (Dec 8) - FRJImenez, GMANews.TV