Alden Richards' late mom wanted him to star in ‘Marimar’

Hindi lingid sa kaalaman ng marami na nagpursigi ang Pambansang Bae na si Alden Richards upang maging matagumpay sa showbiz dahil ito ang pangarap ng kaniyang ina na si Rosario, na pumanaw noong dahil sa chronic pneumonia ilang taon na ang nakalilipas.

Ayon kay Alden sa kaniyang librong “Alden Richards: In My Own Words,” nais niya talagang maging piloto, na pangarap rin ng kaniyang amang si Richard Faulkerson, Sr. para sa kaniya.

“I didn't want to be famous. My goal was to become a pilot—my dad's dream. But my mom, who was a huge fan of Mexican telenovelas, encouraged me to enter showbiz,” kuwento ng “Eat Bulaga!” Dabarkads at “Sunday Pinasaya” star.

Dream role raw ni Mommy Rosario para sa kaniya ang karakter ni Sergio, na nakilala bilang ang katambal ni Marimar.

Ayon sa Kapuso host-actor, “She wanted me to play Sergio someday, because 'Marimar' was one of her all-time favorite soap operas! I pursued acting as a tribute to her, after she passed away when I was sixteen.”

?Nagsimula ang kaniyang showbiz journey sa pagsali at pagkapanalo sa Ginoong Santa Rosa noong 2010, na nasundan ng kaniyang pag-audition sa commercial, at maging sa "Starstruck" at sa isang sikat na reality TV show.

Hindi man naging matagumpay ang lahat ng kaniyang ginawa upang makapasok sa industriya, nagpursigi si Alden hanggang sa makuha siyang bida sa Kapuso teleserye na "Alakdana."

"I'll always be thankful I risked going to that audition," aniya sa kaniyang libro.

Nasundan ito ng pagbida niya sa iba pang projects, kabilang na ang "The Road," "One True Love," "Carmela," "Bet Ng Bayan," "Ilustrado," "Eat Bulaga!" "My Bebe Love," "Imagine You & Me," at marami pang iba.

Ayon kay Alden, "I still can't believe people recognize my name. To this day, I feel like that eighteen-year-old boy from Laguna who commuted to Manila, driven by a dream."

"(This book) is my gratitude in 120 pages, for you who never gave up on me," pagtatapos niya. — Bianca Rose Dabu/DVM, GMA News