Dalagang pinagsamantalahan ng sariling ama, tampok sa 'Wish Ko Lang'

Bata pa lang daw noon si Ella, iba na raw kung makatingin ang ama niya sa kanya. Humantong na rin sa hinihipuan na siya sa maseselang bahagi. Nakita naman ito ng kanyang ina kaya agad na kinumpronta ang tatay niya at inaway. Mula noon, naging tutok na ang ina ni Ella sa kilos ng mister, nangako siya na ipagtatanggol ang anak sa maitim na balak ng asawa.Pero sa kasamaang palad, biglang namatay ang ina ni Ella dulot ng hindi naagapang sakit.

Nang makakuha ng tiyempo ang ama, sinamantala na si Ella, wala raw magawa ang dalaga dahil may banta na idadamay mga nakababatang kapatid niya kung magsusumbong siya. Hindi niya rin maatim kung bakit nagagawa ito ng kanyang magulang sa kanya? Paulit ulit daw ang panggagahasa hanggang sa nagbunga rin ito at nabuntis siya.

Paano matutuldukan ang paghihirap ni Ella? Anong kinabukasan kaya ang naghihintay sa kagaya niyang biktima ng karahasan sa sariling tahanan?

Tunghayan ang pagganap nina Krystal Reyes, Maureen Larazabal at Archie Alemania para isabuhay ang mga nakaka-antig na tagpong ito sa Wish Ko Lang!, kasama si Vicky Morales, Sabado ng hapon, pagkatapos ng Karelasyon sa GMA-7.