Dalagang binulag ng kulam, tampok sa 'Wish Ko Lang'

Noong nasa high school pa raw si Ana, hindi lang daw siya mahusay sa klase, aktibo rin siya sa iba pang mga bagay. Gaya ng pagsali sa mga pageant at pagiging majorette niya sa isang banda sa kanilang bayan sa Dipolog.

Pero nagbago raw ang lahat nang may biglang tumubong bukol sa kanang bahagi ng kanyang mukha. Agad silang nagpatingin sa albularyo at ang sabi sa kanila, may kumulam kay Ana. Patuloy na lumala ang bukol at maging ang mga mata niya ay naapektuhan kaya kalaunan ay nabulag din siya.

Nagtaka ang pamilya niya kung sino ang na-agrabyado ng dalaga at bakit siya tila sinumpa?!  Ang una nilang hinala, baka may kinalaman ang karibal ni Ana sa nobyo niya at ang masama pa nito, kadugo pa ang suspetsa nila!

Tunghayan ang pagganap nina  Arra San Agustin, Jak Roberto, Elle Ramirez, Michael Flores at Isabel Granada para isabuhay ang mga nakaka-antig na tagpong ito sa Wish Ko Lang!, kasama si Vicky Morales, Sabado ng hapon, pagkatapos ng Karelasyon saGMA-7.